Homer Simpson converteuse na última celebridade que apoia ao demócrata Barack Obama na súa carreira cara á Casa Branca, aínda que as súas conviccións políticas chocan co peculiar sistema de votacións dos Estados Unidos.No capítulo dos Simpson que a cadea Fox emitirá o 2 de novembro, dous días antes das eleccións presidenciais, e do cal se pode ver un fragmento no portal Youtube (en inglés) Homer exerce o seu dereito a voto na súa localidade, Springfield.Pero cando se achega a unha das máquinas electrónicas de votación e pulsa o botón que di "Barack Obama, demócrata", a máquina cambia o seu voto e dállo ao republicano John McCain.
Quero votar por Obama, é hora de cambiar", grita Homer e intenta ata seis veces elixir ao candidato demócrata, pero a máquina sempre cambia o seu voto e acaba por comerllo e cuspilo no medio dun charco de sangue.
O capítulo emítese un par de días logo da festividade de Halloween, cando Os Simpson emiten o seu tradicional especial de horror coincidindo con esta celebración.
Ao Jean, produtor executivo da serie, dixo ao diario estadounidense Orlando Sentinel que a escena non pretende ser unha declaración de apoio a Obama senón, máis ben, "un comentario sobre as irregularidades do sistema de voto" en Estados Unidos.
No hay comentarios:
Publicar un comentario